يمكن مو بشر

يمكن مـــــو بشر هذا الأوصفنه
ساحة مـــوت صدره وواسعه عيونه

فنـه الشاف خده وما رجف فنــه
والطــاح بغرامه لا تلومـــونه

من طول الهدب وظله على جفنــه
عيونه موزمه والهرب خيـــعونه

وردة ليـــل شفته وياعطر جنه
وهالتهت بغرامه وصـرت مفتونه

ياعطر الورد كل سـاعه أشمنـه
أبيع الروح لجله وأني ممنونــه

يمشي عالكلب بهــيده وبرنه
تيهت الدرب ياناس دلونــه

شعره الليل كله والصدر غنه
سوباط العنب فنكم تلوحونه

شبه بدر الطلع والنجم حاطنه
صلو عالنبي خايف تحسدونه

أدخل عالحسين وعالنبي منه
سودني الحلو خلاني مفتونه

ريـته بدنيته محبوبي يتهنه
محفوظ بعلي والكل يحرسونه