قصيده غزليه بعنوان باب حلكك

--------------------------------------------------------------------------------
لاتبعد عليه واني كلي وياك
واذا رايد تروح اشيبقى من عندي
جنت الوحدي ماهوه انته وياي
هسه وياي كلك اني مو وحدي
صارحني ابكلامك حته اعرف البيك
وانته ابكيفك احجي امنين ماتبدي
رايد كلمه منك خايب انته اشبيك
وانه اباب حلكك كاعد امجدي!!!
ماتعرف تجامل بس تضوج الناس
ماترهم عليك ابمنطقك حدي
عليه امفصل انته اشلون افرط بيك
ماترهم لغيري امفصل ابكدي
سولفلي اعله كيفك حته ادوخن بيك
عسل كلك عسل عالوادم اتبدي
تشبه للشمس بس انته احلى اهواي
من تطلع تاشر للشمس ردي
مونظرات عندك من تسد قناص
وتوقع بعد من تنطلق ضدي
عينك ليل مظلم والرمش جتال
وخدك مثل شفتك شفتك وردي


ولكم مني جزيل الشكر والتقدير