انور البصراوي. عضو فعال
علم الدولة : عدد الرسائل : 167 العمر : 35 المزاج : المهنة : الهواية : تاريخ التسجيل : 28/08/2009
| موضوع: قصة بابا نؤيل من اجة للعراق السبت سبتمبر 12, 2009 4:09 pm | |
| مثل ماتعرفون شغلة بابا نؤيل انه رجال حباب ينطي هداية للفقراء المهم فد يوم حجي نؤيل ديباوع بخريطة العالم جان يشوف العراق كاي اي هذولة خطية خلي اساعدهم المهم نكر سلف للعربانة مالتة وجان اطير الغزلان مو المغنية لا الغزلان مال بابا نؤيل واجوي للعراق وبغداد خصوصاً بقة تقريبا اتلث ساعات يدور على بيت بيه شجرة مال اكرسمس بس طبيعية مو اصطناعية هناك جان يخيطهة ببريك قوي حتى الغراض الي بالعربانة وكعن وجان يصيح لكيت بيت نزل بالسطح بقة يدور على فتحة مال مدخنة يفوت منهة ماكو راح باب مفتوحة ماكو راح شباك يكسرة ويفوت منة مالكة لان كلهة بيهة كتايب المهم فات من الفتحة مال مبردة وحط الهداية يم الشجرة وطلع اول ما طلع جان يسمع صوت يصيح ( حرامي ) وعينك ماتشوف الا النور اشتغلت الطلقات والبيكيسيات وحتى قاذفات وهاونات اشتغلت على الرجال وهوة ضل يركض من بيت لبيت ومن سطح لسطح ما يعرف شكو عبالة صارت حرب والتمت المونيكات والهمرات واحد يكول شفتة لابس حزام ناسف واحد يكول العربانة مفخخة هناك جان يجيت عليه واحد وكمشة وسحل من لحيتة للمركز طبعا بعد ما شبع كتل وطبعا بالتحقيق محد صدكة وزينوه صفر واخذو موبايلة المهم طلع بالكوة كالو رجال جبير رجع للبيت الي نزل بالسطح مالتة لكة العربانة ماكو سئل جاهل كلة شصار من العربانة كلة الغراض الي بيهة اتحوسمت كلة زين الغزلان وكلتوهن كلة يا غزلان هنة جم حمار وعربانة مكسرة اجو اجذوهن اهل الطحين وراحووو ويدكهة مشي الرجال منا لبيتهم حتى فلوس كيا ماكو وكال اني اجي لبغداد بعد المهم وهوة بطريق الرجعة وما يعرف شيسوي طكت يمة مفخخة وكع بالكاع وتبهذل صفن كال لكم شكو منو ماكل باكلة زايد حقة ما يعرف شنو مفخخة المهم فهموه ومرة لخ بالصدفة وهوة بطريق الرجعة كمشوه جماعة واخذوه وهم عذبوه كلولة انتة مين سني شيعي كلهم يابا اني بابا نؤيل دا يذبحوه جان تجي الغزلان والعربانة طلعو فالتين من بغداد وبالكوة جلب بيهة وفلت المهم هوة عبالة رتاح وكال الحمد الله جتي على هيج وبس وهوة صافن جان يجيه سترلة من هذا الحنين ويضرب العربانة واشتغلت السبعة وخمسين علية ودوشكات حركوه الجو على الرجال المسكين المهم هوة مدري شلون انشمر فوك غزلالة وجلب بيهة وفلت راح البيتهم وقدم استقالة من هاي الشغلة وهسة هوة كلش يكره الجهال وما يحب الهداية وبس يباوع افلام رعب واشترة مسدسات ورشاشات ويصيح وين اليروح المطلوب النة | |
|