مجموعة قصائد شعبية للشاعر حسين محمد حسن

ماظلك عذر
ماظلك عذر يلجاي تتعذر
طريقي وياك خايب سدته الواشين
وانته وياهم لعثراتي تتنطر
بعد شگدر
اذا وشال عمري الململيته سنين
من ايدك عمد هديته واطشر
مو گتلك يولفي وياي گتلي وياك
مو گتلك اذا ماتگدر اتكتر
اذا حملي والك بالگاع طاح وسحگته الرجلين
چا شيفيد هسه وجاي تتوزر
////////////////////////////

مأكول مذموم

بوس جفي بدل ماتدعي عليه

وراجع اسنينك قبل مااعرفك

سلعه منسيه على رفوف الزمان

وجفي هوه النزلك والنظفك

صفرأ گبالي انته على اطراف الشمال

وكل رقم يوگف بصفك يحذفك

وبشمالك صرت حتى اضوي عليك

وعرفيتك رقم والكل ينصفك

وجايني هسه تقريني حساب

ورقم غيري تلاطفه ويلاطفك

راح اردك مثل مانته عليه

حتى مساحة طفل لتخوفك

وارجع لموقعي في اقصى اليمين

وياصفر مهمل ابد متأسفك

واتقي شري لان احسنت اليك

وراح ادفعك ثمن غالي يكلفك



ولكم جزيل الشكر