قصيدة هزلية عن الغزل للشاعر المرحوم ابو حيدر

تريد اكتب غزل و انســـاهه الهموم
و انه وي الغزل ناصـــــــــب كوامة
شكـــــــــــتب يا غزل و اتغزل ابيش
يصاحب خلــــــــهه سكته بلا ملامة
انه شاعر و ربك و املك احســاس
و اترف من جنح اترف حمـــــــامة
و يهزني الجمال الحيــــــــل مملوح
و اطرب لو شــــفت بعض الوسامة
و اسكر و انتـــشي بنظرات العيون
و تسحرني الشـــــــــفايف بأبتسامة
لكن و ادري لكن سبــــــــــب بلواي
المثلي الواجب يحـــــــــــسب كلامه
خصام وي المرة من كــــبل عشرين
فشــــــــــــك و سلاح يومية انترامة
ما اكتــــــــــب غزل صدكوني معذور
شما اطبن لبيـــــــــــتنة تقوم القيامة
انه الماخذ ارهابي و عـــــندة عبوات
بس يزعل علي ينــــــــــــسف حزامة