(ابوذيات عن الفراق)

يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه

***

زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية

***

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه

***

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

***
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

***
رماد الحب على فراكه ولع نار
وكلبه شما سكن شوكه ولع نار
شلي بأبليس أسبنَ وألعناه
هوان الحب شل الشيطان بيه