فارس الأحلام يحيكم و يقدم لكم أصعب الأشعار و راح اشرحة باللهجة الكويتية علشان أقدر أوصله للسامع بسهولة
الشعر الزهيري
يتكون هذا النوع من الشعر في الغالب من 7 سطور
3 سطور بعدين ثلاث سطور بعدين سطر واحد
هكذا
ــــــــــــــــــــــــــــ
ــــــــــــــــــــــــــــ
ــــــــــــــــــــــــــــ
ــــــــــــــــــــــــــــ
ــــــــــــــــــــــــــــ
ــــــــــــــــــــــــــــ
ـــــــــــــــــــــــــــ
ليش صار صعب بل هو أصعب شعر ؟
لأنه يعتمد على الكلمات المتشابه في اللفظ و المختلفة في المعنى ( الجناس التام ) و تكون هذه الكلمات المتشابه في آخر كل سطر
و انا كانت لي محاولات في الشعر الزهيري فكتبت تقريبا عقب ما عصرت مخي 3 أو 4 ازهيريات !!
علما اني كتب على نظام الشعر التقليدي ( الوزن + القافية ) شعرا يقع في 1200 بيتا !!!
المهم راح تشوفون ألحين الزهيرية اشلون صايرة
قبل لا ندش بالموضوع بقولكم سالفة :
كان عندي رفيجي في الدوام ( مثلي ) يعشق الشعر النبطي
و بعدين لما علمته على الازهيريات راحلها و ترك النبطي علما انه ههههه
المهم هاكم الازهيرية
واعدني بس مــا وفى وعــــــوده
خدعني بكلمته و بطول عــــــوده
و برقة كلمته و ألحـــان عـــــــوده
رحت أسأل عــن داره و حيــــــــه
و قلبي ممتلي بأشواق حيــــــــه
طلع أخطر من عقيرب و حيــــــــه
رجعت و مصيبتي يا الربع عـــــوده
لاحظوا ان السطر السابع لازم يختم بنفس كلمات السطور الثلاثة الأولى
معاني الكلمات:
وعـــوده : الموعد أي أخلف موعده
وعـــوده : قامته أي : طول قامتــه
وعـــوده : آلة طرب معروووووووفه
حيــــــه : أي المنطقة مكان سكنه
حيـــــه : ضد الأشواق الميتـــــــه
حيـــــه : ثعبان قاتل فيـــــه ســـم
و عوده : و كبيرة أي مصيبتي كبيرة
موضوع: معنى الزهيري 
