مجموعة قصائد شعبيه للشاعر حسين محمد حسن الجزء الثاني

هويتك والمحبة أشكــــــــال وفنون العشگ كثـــــــــــرة
وقريت من المحــبة دروس بيها الحكم والعبــــــــــــرة
وعرفت طباع اليحبـــــــون منها الحلوة والمـــــــــــرة
بيهم من يگع بالشـــــــــوگ منول ملتقى ونظــــــــــرة
ولف روحه بشبج صايـــود ويسلم للغرام أمــــــــــــره
ويهم بالعشگ غواص يدور بالبحــــــــــــر درة
ولو شاهد ذهب علگاع يضل يجلبة الف مــــــرة
ونه شوگي الك بالــــــــزين لو يطلع دغش صــــــفرة
هويتك موش طول اللــــوان شوگك الواثق ابامــــــــره
حسيت اسنين عمري ويـاك ولاغاوي هو أو عشـــــرة
واول واحد بعمــــــــــــري وعجنت أهواك بالخبـــزة
واخذت يازين من روحـــي متحنته وعرفت كــــــدره
واخذت يا زين من روحــي شهادة وعشرة من عشرة
وطعم الهيل والقـــــــــــداح انته نكهته وعطــــــــــره
ونته نغمت الاوتـــــــــــــــاد وأنته اليل والگمـــــــــــرة
وتره من حمرة أخــــــدودك شمسنه باگت الحمــــــرة
وگمرنه لو كمل ضـــــــــــيه أخذ من وجنته شــــــذرة
وتره گلبي فراشه تحــــــــوم عليك ما ظهر ســــــــــره
/////////////////////////////
حروف أسمك

حروف اسمك ياظيمي وشكاي وياكبر همــــــــــــــــــــــــــــــــك
اگولن اه الك بلاه حروف كبر الزمان وينحت برسمــــــــــــــــك
أگول احاه الك حرفين بيها أنوب من اضمنك وسط صــــــــــدري
ولحد ضلوعي اشدنك
اشوفنك بعيد بكثر ما يحمل معاني اسمك
شگولن ياحبيبي ماتجي اعلى البال . جنوبي انت وحتى الهــــــوى
اليسرى من الشمال أوياه أشمنك
طلبت الموت شفتك حتى ويه الموت. صاير بابله ومايگدر يفهمـك
طلبت النوم حتى انساك. اسمك حتى ويه النوم اهو مشــــــــــــرك
مثل سر الشمس والكون والامال مثل الطيف شيفهمـــــــــــــــــــك
//////////////////////////////////